Life.... Love.... Music...

నీవే నాకు ప్రాణం !!

2010-06-20T22:32:00.000-07:00

నీవూ,
నా నీడవై.. నాకు తోడువై..
నిదురించే కళ్ళలోని కనుపాపవై..

గుండె గుడిలోని ప్రేమ దేవతవై..

నీవే కలవై, కలలోని నిజమువై..
నా శ్వాసవై, శ్వాసలోని ఆశవై
నీవూ నా ప్రాణమువైనావూ...

నిను నిలువరింప నా తరమా ?

2009-03-05T06:55:00.000-08:00

తూరుపు కొండనెక్కి
చీకటిని తరిమి తరిమి కొడుతూ
ఆ చల్లని గుండెని ముక్కలు చేసి..
అడ్డువచ్చిన పొగ మంచుని నిలువునా మింగి..
తమలో దాచేయాలని ప్రయత్నించిన,
ఆ తరుల చిగురుటాకులాపై ముత్యాల హరివిల్లుని ఆవిరి చేసి..
నీ వికటాట్టహాసపు అందాన్ని కొలనులో చూసి మురిసిపోతూ..

నీ వలపుల బాణాలతో నా గుండెని గుచ్చి,
నిదురపోతున్న నా చెలి తలపులని
తట్టి లేపనిదే నీకు తెలవారదేమో.. . ?

నీ తోడూ !! (U R my LIFE)

2009-02-28T06:18:00.000-08:00

నా కలల చీకటిని తరమగా,
ప్రమిదవై వస్తావో.. లేక,
ఆ కలలనే దహించగా,
ప్రలయాగ్నివై వస్తావో.. ?

నా మనసును సేద తీర్చగా,
పిల్లతెమ్మరై వస్తావో.. లేక,
ఆ గుండె గూడునే కూల్చే,
సుడిగాలివై వస్తావో.. ?

నా ఆశలకు జీవం పోయగా,
వర్షపుచినుకై వస్తావో.. లేక,
ఆ ఆశల వేరునే కబళించే,
జడివానవై వస్తావో.. ?

నా బ్రతుకు నావని దరికి చేర్చగ,
నిశ్చల సంధ్రమవుతావో.. లేక,
ఆ నావని నిలువునా ముంచే,
కెరటమవుతావో.. ?

నా అడుగుకు ప్రతి అడుగు కలిపగా,
నీడవవుతావో.. లేక,
ఆ నీడనే సమాధి చేసే
సమిధవవుతావో.. ?

నీ అందాలను తడమగా, ఎంత అదృష్టమో కదా..? (Lucky Drop)

2009-02-25T04:53:00.000-08:00

నీ కురులపై జాలువారిన ఆ నక్షత్రం,

నీ మోముపై చేరి పసిడి కాంతులీనేను..

ఎర్రని నీ అధరాలపై మోజుపడిన ఆ పసిడి భ్రమరం,

ఆ తేనెల మధువులో జలకాలడెను..

ఆ మత్తు ఏ గమ్మత్తు చేసెనో,
నీ ఎదపైకి చేరిన ఆ నర్తకి,
గుండె సవ్వడికి లయబద్దంగా శృంగార నాట్యమాడెను..

నీ గుండె తలపులు తనలో ఏ వేడి పుట్టించెనో,

ఆ తేనేల దొంగ నీ నడుమోంపున చేరి సేద తీరెను..

నీ క్రీగంట కొన చూపుని తప్పించుకోలేని ఆ నీటిబిందువు,

నీ పాదాలపైకి జారి కొంటెగా నవ్వుతూ ముద్దాడెను...

ఆ నవ్వున ఏ భావము దాగెనో కదా..?

నీ అందాలని ఆస్వాదించానన్న గర్వమా..?

లేక తనను పునీతం చేసావన్నఆరాధనా..?

నీ పేరు!!

2009-02-25T03:47:00.000-08:00

నీ పేరు తలిచినంతనే,
నా కళ్లు చెమర్చనే !
కన్నీళ్ళని నే దాచినా,
గుండె ఉప్పెనని నే ఆపలేకున్నా!!

ఏ నోట నీ పేరు పలికిన,
అది నీ సొంతమని..
నా మనసు మౌనంగా,
నాతో పోరుపెడుతున్నది..

నా పెదవులపై నే అద్దుకున్న

నా చిరు నవ్వు.. !

ఆ ఉప్పెనని, ఈ పోరుని

గెలవలేక పాలి(రి)పోతున్నది.. !!

ప్రపంచం పరుగెడుతోంది !! (Lost in this WORLD)

2009-02-18T06:20:00.000-08:00

పరుగుల ప్రపంచం పరుగెడుతోందీ..
నేనూ పరుగెడుతున్నాను...
రంగుల లోకం కొంగొత్త రంగులు పులుముకుంటోంది..
నేను ఆ రంగులూ పులుముకొన్నాను..
కాలం వంకలో మలుపులన్నీ తిరుగుతోందీ,
నేను ఆ మలుపుల్లో చేరాను..

ప్రపంచం పరుగెడుతూనే ఉంది..
నేను పరుగెడుతూనే ఉన్నాను..

ఆ మలుపుల్లో,
ఏ ముల్లోగుచ్చినట్టూంది..
నే పరుగాపాను... కాదు.. కాదు..
నే నడవలేకపోతున్నా..

కాని మనసులేని ప్రపంచం వెనుతిరిగి చూడలేదు..
అది నను ఒంటరిని చేసి వెళ్ళిపోతోంది..

నా దారులన్నీ ఇలా విడిపోయాఎమీ ?
నువ్వెక్కడ? - అని నా గమ్యం వెకిలిగా నవ్వుతున్నదేమీ
నా వ్యక్తిత్వం అలా నా నీడని వదిలి వేలుతున్నదేమి ?
నీవెవరు? - అని నా మనో రూపం హేళనగా చుస్తున్నదేమీ

ఆ ప్రపంచం వదిలిన నీలి నీడన
నే స్తానువునయ్యాను..
కానీ, అలుపులేని ఆ ప్రపంచం
ఇంకా పరుగెడుతూనే ఉంది..

నీ జ్ఞాపకం !! (Walking with Your Memory)

2009-02-18T03:10:00.000-08:00

నా చేతిలోన నీ చేయి లేదు..

అయినా, నా దారి మారలేదు..

నా అడుగులకి నీ పాదాల తోడూ లేదు..

అయినా, నా నడక ఆగలేదు..

నా కనుపాపకి నీ రూపు చూపు లేదు..

అయినా, ఆ వెలుగు తగ్గలేదు..

నా మాటలకి నీ నవ్వుల ఝరి లేదు..

అయినా, నా పెదవి ముడుచుకోలేదు..

నీవు నిజమై నను కరునించకున్నా,

జ్ఞాపకమై నను మురుపిస్తున్నావే, ప్రియా.

నీ రూపుతో చెలిమి !!

2009-02-17T05:44:00.000-08:00

ఉషోదయంతో చెలిమి,
వేకువలో వెచ్చదనం నింపేనూ..

తామరాకుతో చెలిమి,

మంచుబిందువిని ముత్యంగా మలిచేనూ..

చిరుగాలితో చెలిమి,

మల్లియను పరిమళంతో పలకరించేనూ..

సాయంకాలంతో చెలిమి,

సూర్యున్ని చల్లదనంతో తడిమేనూ..

నీ రూపుతో చెలిమి,

నా గుండెను నీ బందీని చేసేనేలా, ప్రియా ?

శంఖారావం !!

2009-02-17T04:40:00.000-08:00

ఏ అవరోధం నిలువరించేనూ,
జలపాతపు హొరునీ...
ఏ కడలి కెరటం ఆపెనూ,
అనువుగా సాగే నావ పయనాన్నీ...
ఏ దూరం నిలిచేనూ,
కదిలే కాలి అడుగునా...
ఏ చీకటి మింగేనూ,
చీల్చే కిరణపు వెలుగునీ...
ఏ భారం అనిచేనూ,
మొలకెత్తే విత్తనపు సంకల్పాన్నీ...

ఇది గెలుపు కోసమై,

ఓటమి ఆరాటపు పోరాటం.. !
ఇది నిరాశాపై,

ఆశ పూరిస్తున్న సమరపు శంఖారావం...!!

వేచి యున్నాను నీ కోసం !!

2009-02-16T05:48:00.000-08:00

అణువణువు..

నాలో ప్రతి అణువూ...

అణువణువు..
నాలో ప్రతి మనసై...

వేచేనిలా, తనువంతా నయనాలై !

నీ కోపమే,

నను కాల్చే తాపమై..

నీ కనుమరుగే,

నను కప్పెను శూన్యమై..

కనరావా.. క్షమించలేవా.. ఓ ప్రియా ?

నీ వేదనే,

నను అనిచే భారమై..

నీ కన్నీరే,

నను ఓడించెను శాపమై..

వినరావా... దరి చేరవా... ఓ ప్రియా ?

అణువణువు..

నాలో ప్రతి అణువూ...

అణువణువు..

నాలో ప్రతి మనసై...

విలపించేనిలా, తనువంతా గాయాలై.. !!

----------- Small Info -----------

My fren, Purushottam Reddy asked me to experiment, by writing a song :). And it is his Subject, "Guy saying Sorry to the Gal and waiting for her". Here, I just tried but cudn't get so much to make it a song. Hope, it gives a feeling of stanza or a bit song ;)

గమ్యం !!

2009-02-14T04:59:00.000-08:00

దారి లేని గమ్యం నా దరి చేరదని
ఎద పొరల్లో దాగిన ఊహల బ్రమరాలని
ఒడసి పట్టి ఒక్క చోట చేర్చితిని.

ఆచరణపు దబ్బనంలో
నేర్పు అనే దారమెక్కించి
ఆశయాల తివాచి అల్లితిని.

అడుగులో అడుగువేస్తూ
ఆ తివాచిపై నడక నేర్చి
ఆ నడకకు కోరికల వడి కలిపి
పరుగులు నేర్పితిని.

నా కోరికల బరువును తాళలేక
కుదేలైన ఆ దారం తివాచిపై
చిరుగుల రాళ్ళను పరిచెను.

అల్లికలో పొరపాటు ఏమోనని వెనుతిరిగిన నేను
నడిచిన దారిన వికసించిన పూలు
కోరికల పరుగున చిరుగుల రాళ్ళు చూసి
కృంగిన మనసు వేదనతో విలపించెను.

ఆ ఆశ్రు ధారలో
నా ఊహల గులాబిలతో చెలిమి చేసిన
కోరికల ముళ్ళు ఒక్కొక్కటిగా రాలి
చిగురుటాకులా ఆశ చిగురించేను.

ఓర్పు అనే గంజితో వడికిన దారంతో
క్షమాపణల అతుకులేస్తూ
గమ్యం వైపు సాగుతున్న
అనుభవపు బాటసారిని
నేనిప్పుడూ.. !!

పిచ్చి ప్రేమ !!

2009-02-14T01:48:00.000-08:00

ఏది మొదలు.. ఏది చివరా.. ?
ఆద్యంతాలు లేని అనంతమీ ప్రేమ.. !

ఏది జననం.. ఏది మరణం.. ?
జననమరనాలేరుగని అమరమీ ప్రేమ.. !!

ఏది గెలుపు.. ఏది ఓటమీ.. ?
గెలుపోటముల సవాలులేని సయోద్యే ఈ ప్రేమ.. !!!

ఏది ఎడబాటు.. ఏది చెంత..?
విరహపుచెంత కుసిమించే వలపే ఈ ప్రేమ.. !

ఏది నిజం.. ఏది అబద్దం..?
సత్యాసత్యాల చర్చే లేని నమ్మకమే ఈ ప్రేమ.. !!

- - - - - - - - Just for fun - - - - - - - -
contd ....
ఏది పిచ్చి.. ఏది ప్రేమ..?
పిచ్చియే ప్రేమ.. ప్రేమయే పిచ్చి.. ఇదో పిచ్చి ప్రేమ :)

నాలో నువ్వు !!

2009-02-13T07:56:00.000-08:00

నా వూపిరిలోని గాలిలో, నీ శ్వాశ వెచ్చదనం నింపెను..
కనుల కలల తీరపు నిశీదిన, నీ రూపు జ్యోతిలా వెలిగెను..
నే పలికే ప్రతి పదమున, నీ గత స్మృతులే జతకలిసేను..
వినిపించే ప్రతి సవ్వడిలో, నీ మాటల గలగలలే జాలువారెను..
ఏమీ ఈ పిచ్చిదనమని,
నను నేను తడిమి చూడగా, ఆ స్పర్శన నువ్వే చేరావు.. !!

రాసాను మన పేర్లు ..... !!

2009-02-13T07:09:00.000-08:00

మనిద్దరి పేర్లు
ఇసుకలో రాయలేదు,
అదుపులేని సముద్రపు అల చేరిపేస్తుందేమోనని...

ఏ రాయిపై చెక్కలేదు,
మనసేలేని రాయి మరిచిపోతుందేమోనని...

ఆ మబ్బులపై చిత్రీకరించనూలేదు,
నిలకడలేని మబ్బు వర్షపు మేఘమవుతుందేమోనని...

మరుపే తెలియని గురుతుగా నిలవాలని,
నా హృదయస్పందనలో నింపాను ప్రియతమా ...!!

నీ తోడూ లేక ... !!

2009-02-11T07:27:00.000-08:00

నింగి విరుగుతున్నా,
ఆ భీకర శబ్దం నాకు వినపడదేమి ?
భూమి కంపిస్తున్నా,
ఆ కంపన నాలో చలనం కలిగించదేమి ?
గాలి భరువెక్కుతున్నా,
ఆ పీడనం నా gundeni mukkalu చేయదేమి ?
(ఎద) సంద్రం పొంగుతున్నా
ఆ తడి నా కనులను తాకదేమి ?
నను నిలువునా దహించుతున్న (నీ పేరు),
ఆ వేడి naa naalukanu kaalchademi ?

ఆ పంచభూతాలకి, నా ఈ పంచెంద్రియాలపై ఇంత ప్రేమెందుకో ?
నీవు నా తోడూ లేవన్న జాలితోనా !!

ప్రేమికుల రోజు - 2 !!

2009-02-09T00:25:00.000-08:00

ఆకులన్ని రాల్చిన తరులు,
నీ రాకతో కొత్త రూపుకు శ్రీకారం చుట్టాలనీ.. !
మూగబోఇన కోకిల,
తన గొంతుకు నీ ఆగమన మాధుర్యాన్ని జత చేయాలనీ.. !!

కొత్త కొత్తగా పరిచయమవుతున్న లోకంలో,
నీవిచ్చే అండతో ముందడుగు వెయ్యాలని ఆరాటపడే యవ్వనము.. !
చేతిలోన గులాబి,
గుండెలోన తుంచలేని ఆ పూవు దరహాసపు ఆశతో.. !!
కొత్తగా ముస్తాబై వస్తావని నీ కోసం ఎదురు చూస్తూ.. !!! ;)

ప్రేమికుల రోజు !!

2009-02-08T06:50:00.000-08:00

ప్రేమికుల రోజు!!
మళ్లీ రానే వస్తుంది..

నాలో దాగున్న విరహపు వేదనకి విహంగాల తోడునిచ్చి,
రేపిన ఆ జ్వాల యందు నా మనసు కాలుతుంటే,
వెర్రిగా నవ్వుతూ, చలి కాచుకోడానికి రానే వస్తోంది.. !

నీ ఆలోచన

2009-02-08T00:07:00.000-08:00

నీ మొదటి ఆలోచన నా మదిని తాకినప్పుడు,
అది నా ఆలోచన ప్రవాహంలో కొట్టుకొచ్చిన అల ఏమో అని,
అన్ని అలల్లాగే అది కూడా ఎగసి పడుతుందిలే అనుకున్నాను..

ఆ రోజు నిను చూసినప్పుడు, నా గుండెలో తెలియని అలజడి..
నీవు నా ఎదురుగ, నేను నీ ఎదురుగ..
నీవు నన్ను చూడలేదు అని నే అనుకున్నా..
(కాని అమ్మాయి కళ్లు కొనచూపులో ప్రపంచాన్ని చుట్టేయగలవు అని తెలియలేదు..)
నీ వైపు చూడాలన్న తహ తహ ఒక వైపు, తెలియని భయం మరో వైపు..
ఎలాగైనా మరొకసారి చూడాలన్న నా కనుల కోరిక ముందు,
నా గుండె సవ్వడి వినిపించలేదు..

నే చూసా!!
ఆహా, ఆ చూపు నా కనుపాపలకి అందాన్ని పంచితే,
ఆ కనుపాపలు నా పెదవులకి ఆనందాన్ని అరువిచ్చాయి..

ఇంతలోనే నా కళ్లు నీ చూపుల తాకిడికి ఎర్రబడ్డాయి..
అప్పుడు నా గుండె సవ్వడి నే గెలుస్తున్నానన్న సంకేతాలని పంపుతూ ఉంది....
ఆ నీ చూపు, కోపంగా చూసిన ఏదో ఒక తెలియని చల్లదనపు అనుభూతిని మిగిల్చి,
రోజు ఇలా నా హృదయాన్ని తాకుతూనే ఉంది..

ఆ అలకి అలుపు రాదేమో..
సరే, పోనీలే అని వూరుకుందామంటే, అది అన్నింటిని ముంచేస్తోంది..

స్త్రీ - పురుష !!

2009-02-07T09:28:00.001-08:00

నిను చెరాలనే,
నా తలపు ఉవ్వెత్తున ఎగసి,
ఆ తలపే తపనై, తపనే వేగమై..

నను నేను మరిచి (మార్చుకొని),
ఉరుకు పరుగున,
దాటిన కొండ కోనలు.. తిరిగిన వేల మలుపులు..

నిను చేరినంతనే, నీ గర్జన ముందు చిన్నబోయెను ఆ ఆనందపు పరవళ్ళు..
నీ నీడన కనుమరుగాయేను నా ఆనవాళ్ళు ..!!

కనురెప్పలు !!

2008-12-27T22:37:00.000-08:00

నా కనురెప్పలు ఆ రవిని సైతం చీకటితో కమ్ముతున్నా,
నీ రూపాన్ని కనుమరుగు చేయలేక సంద్రాన్ని మోస్తున్నాయీ... !!

Rain Drops !!

2008-12-25T20:19:00.000-08:00

చిరు చినుకులు నీ సిరి మోముని తాకి తళుకులీనగా..

ఉప్పొంగిన ఆనందం నీ అదరాలని తడిమి ముత్యాలవ్వగా..

కదలాడిన దృశ్యం నా గుండె లయతో ఏకమాయెను ప్రియా.. !!

(In English)
As drops of rain glitters on UR tranquil face..
As beads of bliss gushes onto UR tender lips..
The beauty of scene unites with MY heart beat.. !!

వేదన !!

2008-12-19T03:26:00.000-08:00

ఒక ఊహ, ప్రపంచాన్ని జయిస్తుంటే..
మరు ఊహేమో, పాతాళానికి జారిపోతుంది.. !
ఒక తలపు, నిన్ను చేరువ చేస్తుంటే...
మరు తలపేమో, నీవెవరు అని నను ప్రశ్నిస్తోంది... !!

ఇలా ఉచ్వాస, నిశ్వాసల నడుమ ఊగిసలాడుతున్న నా మనసు (హృదయం)...
చిరునవ్వుకి, కన్నీరుకి చేరువ కాలేక వేదనను అనుభవిస్తోంది... !!!

కల అనే నిజంలో !!!

2008-12-18T05:50:00.000-08:00

ప్రియా,
నిను కలిసేది కలే అయినా..
కలలోనే కలిసినా...
ఆ కలయందు,
నీ రూపు కదలాడగా..
నీ మాటలు వినపడగా..
నీవు నా దరిన చేరగా..
అది కలలా ఎలా మిగులుతుంది ?
నా మనసు పొరల్లో నిజముగా నిలిచిపోతుంది....... !!!

============ Fairy Fantasy ===============
May be its a dream that I meet U..
May be I will meet u in my dream..
I see U.. I hear U.. I feel U, in that dream..
How can that dream just be a dream.. ?
It meets the reality at my heart and lasts forever !

దూరం !!

2008-12-16T21:35:00.000-08:00

ఉషోదయం నీ రూపు కళ్ళల్లో నింపుతుంటే..
పిల్లగాలి నీ స్పర్శని చేరవేస్తుంటే ..
వెండి వెన్నెల నీ నవ్వులను తనలో చూపుతుంటే ..
మన మధ్య నిలిచిన ఈ దూరం గెలవగలదా, ప్రియతమా ..!!

========== Far Away ============
As SUNSHINE fills U in my eyes ..
As BREEZE hugs me with UR thoughts ..
As MOON passes UR SMILE onto my lips ..
This DISTANCE between US never WINS over, my love !!

సమయం !!

2008-11-30T05:39:00.000-08:00

రేపటికి రూపు లేదు.. చేజారిన క్షణాలు నీవి కావు !
నీతో సాగుతున్న నిముషాలే, నీ భవిష్యత్తుకు రథచక్రాలు !! --->1
గడిచిన కాలానికి బంధివి కావొద్దు !
నీ ఈ క్షణాలతో నిర్మించిన సౌధాలని,
రాబోయే కాలానికి బహుమతిగా ఇవ్వు !! ---> 2

ఉగ్రవాదం !!

2008-11-30T05:25:00.000-08:00

అమాయకుల రక్తంతో తడిసి పునీతమవుతోన్నదా, నీవు నమ్మిన సిద్ధాంతం ?
ఆ ఆర్తనాదాల్లో వినపడుతోందా, నీవు కోరుకున్న రాజరికపు రాజసం ?

గుండె పగిలి కన్నీళ్ళుగా మారుతున్నా, ఆ గొంతులో ఆర్ద్రత నీ మనసును కరిగించటం లేదా ?
ఏమి సాధించాలని, నీ ఈ వెర్రి చర్యలు ?

నీ వల్ల మనిషే మనిషికి శత్రువవుతున్నాడు
మానవత్వమే మనసులకు దూరమవుతున్నది !!

పయనం !!

2008-11-28T06:11:00.000-08:00

నీతో సాగుతున్న పయనంలో..
దూరాలు తరుగుతున్నాయి...
సమయాలు కరుగుతున్నాయి....
నడిచిన దారులు కొత్తగా పలకరిస్తున్నాయి.... !!

చీకటి !!

2008-11-18T08:58:00.000-08:00

నడి రేయి నిదురలోన నా మనసు నీతో విహరిస్తున్నది !
అది నిజమని నమ్మి నా కనులు తెరిచి చూడగా, చీకటే పలకరిస్తున్నది !!

ఉప్పెన!!

2008-11-09T23:20:00.000-08:00

గుప్పెడంత గుండెకేమి తెలుసు, నేను అందంగా లేనని,
ఊహల ఉప్పెనకేమి తెలుసు, అవి పెదవి దాటలేవని,
పెదవి మాటున అదిమిన ఆ ఉప్పెన కన్నీళ్ళుగా పొంగితే, నేనేమి చేసేది ప్రియతమా.. !

ఓ ప్రేమ!!

2008-11-07T10:26:00.000-08:00

ఓ ప్రేమ,
నేలపై విహరిస్తున్న నా మనసుకి,
ఆశల రెక్కలు తొడిగి ఆకాశాన్నందుకోమన్నావ్ !
సంశఇంచిన నా గుండె లయకి,
బాసటగా స్నేహ హస్తాన్ని అందించావ్ !!

ఘడియలని నిమిషాలుగా, ఆ నిమిషాలని
నా గుండె సవ్వళ్ళతో ఏకం చేస్తానని నమ్మించావ్ !

కానీ, కాలంతో పోటి పడలేక, నా హృదయ సాగరాన్ని మేల్కొలిపి,
ఆ అలలల్ని నా కళ్ళల్లో నింపావ్ !!

సినిమా పేర్లతో !!

2008-04-27T00:43:00.000-07:00

నా హృదయంలో నిదురించే చెలి...
నీ కోసం, ప్రేమ గీతాంజలి.. --> 1

నీ ప్రేమకై, క్షణక్షణం నీరీక్షణ
హృదయం, ప్రాణం ఘర్షణ.. --> 2

ప్రియసఖి, ప్రియమైన నీకు..
ప్రేమికులరోజు, ప్రేమ తొలిముద్దు.. --> 3

ప్రేమ !!

2008-04-27T00:35:00.000-07:00

ప్రేమ.. నను మురిపించి, మైమరిపించి..
నేనున్నానంటూ కలలకు జీవం పోసి..
కాలంతో పోటి పడతానంటు నమ్మించి..
అంతలోనే అలిసి .. నను మరిచి..
జ్ఞాపకాలతో జీవించమని, దీవించి..
కన్నీటి చుక్కలా, నా చెక్కిలిపై నుండి జారిపోయావ్....

బాల్యం!!

2008-04-21T03:38:00.000-07:00

దేవుని గుడిలో ఆడిన తొక్కుడు బిళ్ళ.. నాలుగు స్తంభాలాటలు..
పెరటిలోన వేసిన బొమ్మరిల్లులు.. చేసిన బొమ్మల పెళ్ళిళ్ళు ..
తోటల్లోన చేసిన దొంగతనాలు.. కాకి ఎంగిల్ల్లుల పంపకాలు ..
కలిసి కట్టుగా బడి వైపు సాగిన పయనాలు .. దారి పొడవునా ఆనందపు పరవళ్ళు ..
ఐస్ క్రీమ్ కోసం నానమ్మ దగ్గర చేయి చాసిన క్షణాలు .. కేరింతలు ..బుంగమూతులు ..అలకలు ..
తాతయ్యతో కలిసి నిదురించిన రాత్రిళ్ళు .. పురాణాలు , నీతి కథలతో సహవాసాలు ..
ఆరు బయట పడకలు .. అంత్యాక్షరిలు ... నక్షత్రాల లెక్కింపులు..
చందమామతో కబుర్లు.. చల్లగాలితో ఊసులు ...
రేపటి(భవిష్యత్తు) ఆలోచనలతో కమ్ముకువచిన నిద్ర తెరలో సేద తీరిన వైనాలు...

నిదుర !!

2008-03-30T06:52:00.000-07:00

ప్రియా.. నీ ముఖ పరిచయం లేదు కానీ, నీ రూపం నా గుండెని తడుముతున్నది !
ఆ ఆనవాలని బంధించాలని, కనులను మూయగ నిదురే దరి చేరుతున్నది !! :-)

జీవితం!! (ప్రియురాలు మోసం చేసిందని ఆత్మహత్య అనే వార్త మీద)

2008-03-23T23:36:00.000-07:00

మిత్రమా, జీవితం అంత విలువ లేనిదా.. ?
అమ్మ పాల అమృతాన్ని దాచుకున్నది ఈ జీవితం..
నాన్న ఆశల ఉపిరులు పోసుకున్నది ఈ జీవితం..
ఎన్నో బంధాలను అల్లిన మనసులతో ముడిపడినది ఈ జీవితం..

నీకు గుర్తుకు లేవా మిత్రమా,
నీవు కలలుగన్న జీవితపు మధురాను భావాలు, నిర్మించుకున్న కలల సౌధాలు..
నీకు తెలియదా మిత్రమా
జీవితపు ప్రయాణంలో ఎత్తు పల్లాలూన్టాయని.. రేయింబవళ్ళు ఉంటాయని..
తెలిసీ చిన్నగాలివానకు బెదిరిన మనసుకి, నీ ప్రాణాలను సమాదానమిచ్చావా..?

పదాల నేర్పు - సంగీతం -- ప్రయత్నం 2

2008-03-19T23:22:00.000-07:00

వినీలాకాశంలో విహరించే మేఘాలకు మెరుపలనద్దినదీ, సంగీతం..
చినుకు చినుకు కలిసి సృష్టించే ప్రవాహపు జడి, సంగీతం...
తరులలో కలిగిన అలజడితో జత కలిసి పయనించునది, సంగీతం....

పదాల నేర్పు - ఎదురుచూపు -- ప్రయత్నం1

2008-03-18T22:39:00.000-07:00

నీకోసం వేచి యున్న కనులకేమి తెలుసు నీవు రావని...

అలలా ఎగసి అలసిన నా మనసుకేమి తెలుసు ఊరడించే చెలి(మి) లేదని ...

కాలం లోగిలిలో ఇది కలగా మిగులుతుందన్న ఆశతో ఎదురు చూస్తునే ఉంటా....

Hi

2008-01-09T05:39:00.000-08:00

Hmmm... I am new to the blog.. Dont know what to write/share..? Sure, I ll find out sooooooooon ;-)