కనురెప్పలు !!

నా కనురెప్పలు ఆ రవిని సైతం చీకటితో కమ్ముతున్నా,
నీ రూపాన్ని కనుమరుగు చేయలేక సంద్రాన్ని మోస్తున్నాయీ... !!

Rain Drops !!

చిరు చినుకులు నీ సిరి మోముని తాకి తళుకులీనగా..

ఉప్పొంగిన ఆనందం నీ అదరాలని తడిమి ముత్యాలవ్వగా..

కదలాడిన దృశ్యం నా గుండె లయతో ఏకమాయెను ప్రియా.. !!

(In English)
As drops of rain glitters on UR tranquil face..
As beads of bliss gushes onto UR tender lips..
The beauty of scene unites with MY heart beat.. !!

వేదన !!

ఒక ఊహ, ప్రపంచాన్ని జయిస్తుంటే..
మరు ఊహేమో, పాతాళానికి జారిపోతుంది.. !
ఒక తలపు, నిన్ను చేరువ చేస్తుంటే...
మరు తలపేమో, నీవెవరు అని నను ప్రశ్నిస్తోంది... !!

ఇలా ఉచ్వాస, నిశ్వాసల నడుమ ఊగిసలాడుతున్న నా మనసు (హృదయం)...
చిరునవ్వుకి, కన్నీరుకి చేరువ కాలేక వేదనను అనుభవిస్తోంది... !!!

కల అనే నిజంలో !!!

ప్రియా,
నిను కలిసేది కలే అయినా..
కలలోనే కలిసినా...
ఆ కలయందు,
నీ రూపు కదలాడగా..
నీ మాటలు వినపడగా..
నీవు నా దరిన చేరగా..
అది కలలా ఎలా మిగులుతుంది ?
నా మనసు పొరల్లో నిజముగా నిలిచిపోతుంది....... !!!

============ Fairy Fantasy ===============
May be its a dream that I meet U..
May be I will meet u in my dream..
I see U.. I hear U.. I feel U, in that dream..
How can that dream just be a dream.. ?
It meets the reality at my heart and lasts forever !

దూరం !!

ఉషోదయం నీ రూపు కళ్ళల్లో నింపుతుంటే..
పిల్లగాలి నీ స్పర్శని చేరవేస్తుంటే ..
వెండి వెన్నెల నీ నవ్వులను తనలో చూపుతుంటే ..
మన మధ్య నిలిచిన ఈ దూరం గెలవగలదా, ప్రియతమా ..!!

========== Far Away ============
As SUNSHINE fills U in my eyes ..
As BREEZE hugs me with UR thoughts ..
As MOON passes UR SMILE onto my lips ..
This DISTANCE between US never WINS over, my love !!

సమయం !!

రేపటికి రూపు లేదు.. చేజారిన క్షణాలు నీవి కావు !
నీతో సాగుతున్న నిముషాలే, నీ భవిష్యత్తుకు రథచక్రాలు !! --->1
గడిచిన కాలానికి బంధివి కావొద్దు !
నీ ఈ క్షణాలతో నిర్మించిన సౌధాలని,
రాబోయే కాలానికి బహుమతిగా ఇవ్వు !! ---> 2

ఉగ్రవాదం !!

అమాయకుల రక్తంతో తడిసి పునీతమవుతోన్నదా, నీవు నమ్మిన సిద్ధాంతం ?
ఆ ఆర్తనాదాల్లో వినపడుతోందా, నీవు కోరుకున్న రాజరికపు రాజసం ?

గుండె పగిలి కన్నీళ్ళుగా మారుతున్నా, ఆ గొంతులో ఆర్ద్రత నీ మనసును కరిగించటం లేదా ?
ఏమి సాధించాలని, నీ ఈ వెర్రి చర్యలు ?

నీ వల్ల మనిషే మనిషికి శత్రువవుతున్నాడు
మానవత్వమే మనసులకు దూరమవుతున్నది !!

పయనం !!

నీతో సాగుతున్న పయనంలో..
దూరాలు తరుగుతున్నాయి...
సమయాలు కరుగుతున్నాయి....
నడిచిన దారులు కొత్తగా పలకరిస్తున్నాయి.... !!

చీకటి !!

నడి రేయి నిదురలోన నా మనసు నీతో విహరిస్తున్నది !
అది నిజమని నమ్మి నా కనులు తెరిచి చూడగా, చీకటే పలకరిస్తున్నది !!

ఉప్పెన!!

గుప్పెడంత గుండెకేమి తెలుసు, నేను అందంగా లేనని,
ఊహల ఉప్పెనకేమి తెలుసు, అవి పెదవి దాటలేవని,
పెదవి మాటున అదిమిన ఆ ఉప్పెన కన్నీళ్ళుగా పొంగితే, నేనేమి చేసేది ప్రియతమా.. !

ఓ ప్రేమ!!

ఓ ప్రేమ,
నేలపై విహరిస్తున్న నా మనసుకి,
ఆశల రెక్కలు తొడిగి ఆకాశాన్నందుకోమన్నావ్ !
సంశఇంచిన నా గుండె లయకి,
బాసటగా స్నేహ హస్తాన్ని అందించావ్ !!

ఘడియలని నిమిషాలుగా, ఆ నిమిషాలని
నా గుండె సవ్వళ్ళతో ఏకం చేస్తానని నమ్మించావ్ !

కానీ, కాలంతో పోటి పడలేక, నా హృదయ సాగరాన్ని మేల్కొలిపి,
ఆ అలలల్ని నా కళ్ళల్లో నింపావ్ !!

సినిమా పేర్లతో !!

నా హృదయంలో నిదురించే చెలి...
నీ కోసం, ప్రేమ గీతాంజలి.. --> 1

నీ ప్రేమకై, క్షణక్షణం నీరీక్షణ
హృదయం, ప్రాణం ఘర్షణ.. --> 2

ప్రియసఖి, ప్రియమైన నీకు..
ప్రేమికులరోజు, ప్రేమ తొలిముద్దు.. --> 3

ప్రేమ !!

ప్రేమ.. నను మురిపించి, మైమరిపించి..
నేనున్నానంటూ కలలకు జీవం పోసి..
కాలంతో పోటి పడతానంటు నమ్మించి..
అంతలోనే అలిసి .. నను మరిచి..
జ్ఞాపకాలతో జీవించమని, దీవించి..
కన్నీటి చుక్కలా, నా చెక్కిలిపై నుండి జారిపోయావ్....

బాల్యం!!

దేవుని గుడిలో ఆడిన తొక్కుడు బిళ్ళ.. నాలుగు స్తంభాలాటలు..
పెరటిలోన వేసిన బొమ్మరిల్లులు.. చేసిన బొమ్మల పెళ్ళిళ్ళు ..
తోటల్లోన చేసిన దొంగతనాలు.. కాకి ఎంగిల్ల్లుల పంపకాలు ..
కలిసి కట్టుగా బడి వైపు సాగిన పయనాలు .. దారి పొడవునా ఆనందపు పరవళ్ళు ..
ఐస్ క్రీమ్ కోసం నానమ్మ దగ్గర చేయి చాసిన క్షణాలు .. కేరింతలు ..బుంగమూతులు ..అలకలు ..
తాతయ్యతో కలిసి నిదురించిన రాత్రిళ్ళు .. పురాణాలు , నీతి కథలతో సహవాసాలు ..
ఆరు బయట పడకలు .. అంత్యాక్షరిలు ... నక్షత్రాల లెక్కింపులు..
చందమామతో కబుర్లు.. చల్లగాలితో ఊసులు ...
రేపటి(భవిష్యత్తు) ఆలోచనలతో కమ్ముకువచిన నిద్ర తెరలో సేద తీరిన వైనాలు...

నిదుర !!

ప్రియా.. నీ ముఖ పరిచయం లేదు కానీ, నీ రూపం నా గుండెని తడుముతున్నది !
ఆ ఆనవాలని బంధించాలని, కనులను మూయగ నిదురే దరి చేరుతున్నది !! :-)

జీవితం!! (ప్రియురాలు మోసం చేసిందని ఆత్మహత్య అనే వార్త మీద)

మిత్రమా, జీవితం అంత విలువ లేనిదా.. ?
అమ్మ పాల అమృతాన్ని దాచుకున్నది ఈ జీవితం..
నాన్న ఆశల ఉపిరులు పోసుకున్నది ఈ జీవితం..
ఎన్నో బంధాలను అల్లిన మనసులతో ముడిపడినది ఈ జీవితం..

నీకు గుర్తుకు లేవా మిత్రమా,
నీవు కలలుగన్న జీవితపు మధురాను భావాలు, నిర్మించుకున్న కలల సౌధాలు..
నీకు తెలియదా మిత్రమా
జీవితపు ప్రయాణంలో ఎత్తు పల్లాలూన్టాయని.. రేయింబవళ్ళు ఉంటాయని..
తెలిసీ చిన్నగాలివానకు బెదిరిన మనసుకి, నీ ప్రాణాలను సమాదానమిచ్చావా..?

పదాల నేర్పు - సంగీతం -- ప్రయత్నం 2

వినీలాకాశంలో విహరించే మేఘాలకు మెరుపలనద్దినదీ, సంగీతం..
చినుకు చినుకు కలిసి సృష్టించే ప్రవాహపు జడి, సంగీతం...
తరులలో కలిగిన అలజడితో జత కలిసి పయనించునది, సంగీతం....

పదాల నేర్పు - ఎదురుచూపు -- ప్రయత్నం1

నీకోసం వేచి యున్న కనులకేమి తెలుసు నీవు రావని...

అలలా ఎగసి అలసిన నా మనసుకేమి తెలుసు ఊరడించే చెలి(మి) లేదని ...

కాలం లోగిలిలో ఇది కలగా మిగులుతుందన్న ఆశతో ఎదురు చూస్తునే ఉంటా....

Hi

Hmmm... I am new to the blog.. Dont know what to write/share..? Sure, I ll find out sooooooooon ;-)